پاکستان کے فرٹیلائزر سیکٹر کے مجموعی منافع میں 20 فیصد اور جاری کیلنڈر سال 2024 کی تیسری سہ ماہی جولائی تا ستمبرکے دوران خالص منافع میں 38 فیصد اضافہ ہوا ہے۔ ویلتھ پاک کی رپورٹ کے مطابق لسٹڈ فرٹیلائزر فرموں نے مجموعی طور پر 76.9 بلین روپے کا مجموعی منافع اور 41.5 بلین روپے کا خالص منافع کمایا، مجموعی منافع اور خالص منافع کا مارجن بالترتیب 36فیصد اور 20فیصدحاصل کیا۔ فرٹیلائزر سیکٹر کی خالص فروخت گھٹ کر 212.3 بلین روپے ہوگئی۔کھاد کے شعبے میں اینگرو فرٹیلائزر لمیٹڈ فوجی فرٹیلائزر کمپنی لمیٹڈ فاطمہ فرٹیلائزر کمپنی لمیٹڈ اور فوجی فرٹیلائزر بن قاسم لمیٹڈ جیسی بڑی کمپنیاں شامل ہیں۔ان میں سے ایف ایف سی 414.4 بلین روپے کے مارکیٹ کیپٹلائزیشن کے ساتھ اس شعبے میں سرفہرست ہے، اس کے بعد اینگرو278.7 بلین روپے کے مارکیٹ کیپٹلائزیشن کے ساتھ ہے۔ فاطمہ اور ایف ایف بی ایل بالترتیب 147.4 بلین روپے اور 97.4 بلین روپے کے مارکیٹ کیپس کے ساتھ تیسرے اور چوتھے نمبر پر ہیں۔ایف ایف سی نے 50.3 بلین روپے کی خالص فروخت اور 26.09 بلین روپے کے مجموعی منافع کی اطلاع دی۔

اس سہ ماہی کے لیے کمپنی کا خالص منافع 16.4 بلین روپے تھا، جس کا مجموعی منافع اور خالص منافع کا مارجن بالترتیب 52 اور 33فیصدتھا۔ اینگرو فرٹیلائزرز نے 15.6 بلین روپے کے مجموعی منافع اور 7.6 بلین روپے کے خالص منافع کے ساتھ، 42.5 بلین روپے کی خالص فروخت پوسٹ کی۔ سہ ماہی کے لیے مجموعی منافع اور خالص منافع کا مارجن بالترتیب 37 اور 18فیصد تھا۔فاطمہ نے 61.7 بلین روپے کی خالص فروخت پر 21.03 بلین روپے کا مجموعی منافع اور 9.4 بلین روپے کا خالص منافع حاصل کیا، جس کے نتیجے میں مجموعی اور خالص منافع کا مارجن بالترتیب 34 اور 15فیصدہے۔ کمپنی نے سہ ماہی کے لیے 4.48 روپے فی حصص آمدنی کی اطلاع دی۔ایف ایف بی ایل نے بالترتیب 14.1 بلین روپے اور 8 بلین روپے کا مجموعی اور خالص منافع ریکارڈ کیا۔ کمپنی نے اس مدت کے لیے 6.20 روپے فی حصص آمدنی ظاہر کی۔

کریڈٹ: انڈیپنڈنٹ نیوز پاکستان-آئی این پی ویلتھ پاک