باقیات جلانے کا عمل پاکستانی کسانوں کی طرف سے بڑے پیمانے پر کیا جاتا ہے، خاص طور پر پنجاب اور سندھ میں، ماحولیاتی تشویش میں اضافہ ہوتا جا رہا ہے۔ ویلتھ پاک کی رپورٹ کے مطابق اگرچہ اسے اگلے پودے لگانے کے سیزن کے لیے کھیتوں کو صاف کرنے کے لیے ایک فوری اور کفایتی طریقہ کے طور پر دیکھا جاتا ہے لیکن ماحولیات اور زرعی پیداواری صلاحیت پر اس کے طویل مدتی اثرات تشویشناک ہیں۔پاکستان میں سالانہ تقریبا 16 ملین ٹن دھان کا بھوسا پیدا ہوتا ہے جس کا تقریبا 60 فیصد جل جاتا ہے۔ یہ عمل نہ صرف شدید فضائی آلودگی میں حصہ ڈالتا ہے بلکہ زمین کی زرخیزی کو نقصان پہنچا کر اور فصلوں کی پیداوار کو کم کر کے ملک کی معیشت کو بھی متاثر کرتا ہے۔ نیشنل ایگریکلچرل ریسرچ سینٹر کے سینئر سائنٹیفک آفیسر ڈاکٹر نور اللہ نے ویلتھ پاک کو بتایاکہ فصلوں کی باقیات کو جلانے سے کاربن مونو آکسائیڈ، نائٹروجن آکسائیڈ، سلفر ڈائی آکسائیڈ اور پارٹکیولیٹ مادے جیسے نقصان دہ آلودگی خارج ہوتی ہے جو فضائی آلودگی اور موسمیاتی تبدیلیوں میں نمایاں طور پر حصہ ڈالتے ہیں۔ یہ آلودگی تیزابی بارش کا باعث بن سکتی ہے، فصلوں کو نقصان پہنچاتی ہے اور زرعی پیداوار کو کم کر سکتی ہے

جس سے کسانوں کی روزی روٹی اور معیشت پر منفی اثر پڑتا ہے،مزید برآںجلانے سے کاربن ڈائی آکسائیڈ فضا میں خارج ہوتی ہے جس سے گلوبل وارمنگ میں شدت آتی ہے۔ موسمیاتی تبدیلی، بدلے میں، سیلاب اور خشک سالی سمیت انتہائی موسمی واقعات کو جنم دیتی ہے جس سے پاکستان کے زرعی شعبے کو مزید خطرہ لاحق ہوتا ہے، جو کہ ملک کی معیشت کی ریڑھ کی ہڈی کی حیثیت رکھتا ہے۔پرن جلانے کے مضر اثرات سے نمٹنے کے لیے، ماہرین کاشتکاروں کو پائیدار طریقوں کو اپنانے کی ترغیب دینے کی سفارش کرتے ہیں۔ فصل کی باقیات کو توانائی کے ذریعہ یا قدرتی کھاد کے طور پر استعمال کرنے سے اس کے ماحولیاتی اثرات کو کم کرنے میں مدد مل سکتی ہے۔انہوں نے تحفظ زراعت کے فروغ پر بھی زور دیاجس میں ایسے طریقے شامل ہیں جو فصلوں کی باقیات کی پیداوار کو کم سے کم کرتے ہیں اور مٹی کی صحت کو بہتر بناتے ہیں۔پینل نے فصلوں کی باقیات کو جلانے سے منسلک صحت کے اہم خطرات پر زور دیا، متبادل وضع کرنے میں کسانوں کے نقطہ نظر اور ضروریات کو ترجیح دینے کی ضرورت پر زور دیا۔ مزید برآں انہوںنے صحت کے نظام کی لچک کو پالیسی فریم ورک میں ضم کرنے کی اہمیت کو اجاگر کیا تاکہ پائیدار اور جامع حل کو یقینی بنایا جا سکے۔

کریڈٹ: انڈیپنڈنٹ نیوز پاکستان-آئی این پی ویلتھ پاک