سرینگر،مقبوضہ کشمیر میں بھارت کی ریاست دہشتگردی ، مزید 5کشمیری شہید
کشمیر میڈیا کے مطابق بھارتی فورسز نے 5کشمیری نوجوانوں کو ضلع کپواڑہ میں جعلی مقابلے میں فائرنگ کر کے شہید کر دیا، کپواڑہ اور قریبی علاقوں کے محاصرے کے دوران متعدد نوجوانوں کو گرفتار کرلیا گیا،قابض بھارتی فوج نے چادر اور چار دیواری کا تقدس پامال کرتے ہوئے گھروں میں گھس کر خواتین سے بدتمیزی کی اور بچوں کو ہراساں کیا۔ کشمیریوں کے گھروں میں توڑ پھوڑ بھی کی گئی،کپواڑہ اور نواحی علاقوں کی ناکہ بندی جاری ہے۔ موبائل اور انٹرنیٹ سروس بھی بند ہے اور لوگ گھروں میں محصور ہیں۔
کریڈٹ: انڈیپنڈنٹ نیوز پاکستان-آئی این پی
