چین، زرعی بیمہ پریمیم میں2022کے دوران23فیصد اضافہ
بیجنگ) شِنہوا)چین میں کسانوں کی آمدن میں استحکام اور دیہی حیات نو کے فروغ کی کوششیں کی گئی ہیں جس سے زرعی بیمہ پریمیم میں 2022 کے دوران تیز رفتار اضافہ ہوا۔وزارت خزانہ کے مطابق ملک میں زرعی بیمہ پریمیم 119.2 ارب یوآن (تقریبا 17.54 ارب امریکی ڈالرز)رہی جو گزشتہ برس سے 23 فیصد زائد ہے۔اس بیمہ سے 16 کروڑ 70 لاکھ دیہی گھرانوں کو خطرے میں تحفظ ملا اور اس نے کسانوں کی مدد اور فائدہ دینے میں بڑا کردار ادا کیا۔اعداد و شمار کے مطابق چین زرعی بیمہ پریمیم میں دنیا میں سرفہرست ہے۔
