کراچی سمیت سندھ کے مختلف اضلاع میں ڈینگی اور ملیریا کے کیسز رپورٹ ہونے کا سلسلہ جاری ہے۔ محکمہ صحت سندھ کے مطاق یکم جنوری سے اب تک صوبے بھر میں ملیریا کے 17,454 اور ڈینگی کے 176 کیسز رپورٹ ہو چکے ہیں۔کراچی میں ڈینگی کے سب سے زیادہ 158 کیسز سامنے آ چکے ہیں۔ رواں ماہ اپریل میں کراچی سے 3، مارچ میں 27، فروری میں 53 اور جنوری میں 85 ڈینگی کیسز رپورٹ ہوئے۔کراچی میں ملیریا کے 187 کیسز بھی رپورٹ کیے گئے ہیں۔دیگر ڈویژنز میں رپورٹ ہونے والے ملیریا کیسز کی تفصیلات کے مطابق حیدرآباد ڈویژن: 6,837 کیسز،سکھر ڈویژن: 1,610 کیسز،لاڑکانہ ڈویژن: 5,416 کیسز،میرپورخاص ڈویژن: 1,314 کیسز،شہید بینظیرآباد ڈویژن: 2,090 کیسز،محکمہ صحت نے شہریوں کو ہدایت کی ہے کہ مچھروں سے بچا کے لیے احتیاطی تدابیر اختیار کریں، خاص طور پر پانی جمع نہ ہونے دیں اور مچھر دانی یا اسپرے کا استعمال کریں۔ ادارے کا کہنا ہے کہ صورت حال پر کڑی نظر رکھی جا رہی ہے اور اسپتالوں میں متاثرہ مریضوں کو مکمل طبی سہولیات فراہم کی جا رہی ہیں۔

کریڈٹ: انڈیپنڈنٹ نیوز پاکستان-آئی این پی