آسٹریلیا کے وکٹ کیپر بیٹر ایلکس کیری بھی پاکستان سپر لیگ(پی ایس ایل) 2025 کے ڈرافٹ کیلئے رجسٹرڈ ہوگئے۔پی سی بی نے اگلے ماہ ہونے والے پلیئرز ڈرافٹ کیلئے رجسٹر ہونے والا ایک اور نام جاری کر دیا۔آسٹریلیا کے وکٹ کیپر بیٹر ایلکس کیری نے 108 ٹی ٹوئنٹی میچز میں دو سنچریوں سمیت 2387 رنز بنائے ہیں۔پی سی بی اس سے قبل شکیب الحسن اور ڈاڈ ملان کی رجسٹریشن کی بھی تصدیق کرچکا ہے۔یاد رہے کہ پاکستان سپر لیگ 10 کا پلیئرز ڈرافٹ11 جنوری کو گوادر میں منعقد ہوگا۔انگلینڈ کے ٹام کرن، جیسن روئے، زمبابوے کے سکندر رضا، بنگلا دیش کے مستفیظ الرحمن بھی پی ایس ایل ڈرافٹ میں شامل ہیں۔ دوسری جانب پاکستان سپر لیگ سیزن 10 کے لئے انگلینڈ کے معروف کھلاڑی ڈیوڈ ملان نے اپنی دستیابی ظاہر کر دی۔انگلینڈ کے ڈیوڈ ملان نے پی ایس ایل 10 کے ڈرافٹ کے لئے خود کو رجسٹرا کرا لیا، پاکستان سپر لیگ کے 10 ویں ایڈیشن کے لئے ڈرافٹ کی تقریب گوادر میں 11 جنوری کو ہوگی۔غیر ملکی کھلاڑیوں کی رجسٹریشن کا سلسلہ جاری ہے، ڈیوڈ ملان سے قبل انگلینڈ کے ڈیوڈ ولی اور آسٹریلیا کے عثمان خواجہ کی شرکت کی تصدیق بھی پی ایس ایل انتظامیہ کر چکی ہے۔پاکستان سپر لیگ کے ایڈیشن 10 کے لئے بنگلا دیش کے فاسٹ بالر مستفیض الرحمان بھی اپنی دستیابی ظاہر کر چکے ہیں، جیسن رائے بھی پی ایس ایل میں کھیلتے ہوئے نظر آئیں گے۔

کریڈٹ : انڈیپنڈنٹ نیوز پاکستان-آئی این پی