بنوں کے تھانہ ڈومیل کی حدود سے چھ اپریل کو اغوا کیے جانے والے دو سرکاری ملازمین بحفاظت بازیاب ہو گئے ۔ذرائع کے مطابق دونوں مغویان ویلج کونسل کے سیکرٹری نعمان الحسینی اور محکمہ صحت سے تعلق رکھنے والے اشفاق کو گزشتہ رات اغوا کاروں نے رہا کر دیا، جس کے بعد وہ اپنے گھروں کو واپس پہنچ گئے ہیں۔ اغوا کے دوران دونوں ملازمین نے ایک ویڈیو پیغام کے ذریعے حکومت اور علاقائی مشران سے رہائی کے لیے اپیل کی تھی۔ گزشتہ روز علاقائی مشران کی جانب سے روڈ بلاک کرنے کا اعلان کیا گیا تھا، تاہم مغویان کی بازیابی کے بعد صورتحال پر امن ہو گئی۔ بتایا گیا ہے کہ دونوں سرکاری ملازمین کی بازیابی علاقائی مشران کی مسلسل کوششوں کا نتیجہ ہے۔

کریڈٹ: انڈیپنڈنٹ نیوز پاکستان-آئی این پی